Adalat e Uzma se Zulfiqar Ali Bhutto ka Khitab

ذوالفقار علی بھٹو شہید کو بجا طور پر پاکستان کی تاریخ میں ایک مقام حاصل ہے اور یہ بھی اسی تاریخ کا ایک بدنما باب ہے کہ قائد عوام کو قتل کے ایک مقدمے میں پھنسا کر پھانسی پر لٹکا دیا گیا اور انصاف اور قانون کے تصور کو داغ دار کر دیا گیا۔ عدالت میں ان پر قتل کا مقدمہ چلایا گیا جب کہ آمریت کی سرپرستی میں ان کی مذہبی اور اخلاقی کردارکشی کی مہم چلائی گئی۔ لاہورہائی کورٹ کے فیصلے کے خلاف عدالت عظمیٰ کی اپیل کے دوران ذوالفقار علی بھٹو نے حقائق بیان کرتے ہوئے دلائل دے کر اپنا تاریخی دفاع کیا۔ 18 سے 21 دسمبر 1978ء کے دوران انہیں عدالت نے اپنی صفائی میں بولنے کا موقع دیا۔ ان کا یہ تاریخی خطاب روزنامہ ’’مساوات‘‘ کے لیے ارشاد راؤ اور محترمہ بے نظیر بھٹو نے”Witness to Splender”کے نام سے شائع کیا تھا۔ بعد میں ارشاد راؤنے یہ تقریر ’’شاہد عظمت و جلال‘‘ کے عنوان سے اردو ترجمہ کروا کر شائع کروائی اور جنرل ضیا کی طرف سے کوڑوں کی سزا کے مستحق ٹھہرے۔ جناب ذوالفقارعلی بھٹو کی تقریر پر مبنی یہ کتاب پاکستان کے کئی معاملات پرروشنی ڈالتی ہے۔